حملة ضد سواقين الميكروباصات

عايزين نعمل حملة كبيره على سواقين الميكروباصات 

وكلنا طبعا عارفين يعنى ايه سواق ميكروباص

يعنى يبقى سايق وهوا مصطبح بحاجه عالريق تخليه مش شايف قدامه

يعنى يجرى بسرعه جنونيه جدا اكنه ماشى لوحده فى الشارع واكنه مش مركب بنى آدمين معاه

يعنى يفضل الطريق كله ياخد فى غرز يمين وشمال وطعبا من غير إشارات ولا نيله

يعنى يبقى انت اللى ليك حق وهوا عمال يبجح معاك ويعلى صوته وطز فيك

يعنى يفضل كابس على العربيه اللى قدامه بطريقه فظيعه ومفيش بينه وبينها غير 2 سم يعنى لو اللى قدامه لمس دواسه الفرامل بس لمسه هيلبس فيه لبسه وحشه اوى وطبعا احنا معاه

بخلاف عدم احترام المرور ولا اماكن الوقوف وهما السبب الكبير فى الزحمه اللى فى البلد

بصراحة الشرطه مش عارفه تعمل معاهم ايه

احنا بئه لازم نعمل حمله كبيره جدا ضدهم ويا نعلمهم الادب يا هما يدوسو علينا برجليهم

الحمله هتبقى عباره عن مقاطعه ليهم

ونشوف المواصلات البديله .. هنستحمل شويه قرف المواصلات البديله بس عشان نرتاح بعد كده ونبقى راكبين معاهم واحنا مطمنين  على حياتنا وتبقى البلد نضيفه شويه فى سلوكياتها

ده مجرد اقتراح بس مش عارف رأى الاغلبيه هيبقى ايه

المرتبات وسنينها

بقالنا كتير مستحملين .. متعذبين ومتبهدلين .. وجوه قلوبنا وكاتمين

ومن امى وابويا ومستلفين .. بس لحد امتى هنفضل عايشين .. نستلف من حبايبنا المقربين

هوا احنا برضو مش تقريبا شغالين ؟؟ ولا احنا مكتوب علينا نفضل متعذبين

عايزين نقبض ومش عارفين .. طب ناخد سلفه مش قادرين

والمكافآت ومش لاقيين .. وحسن منفضلنا تنفيض السنين

والاخ بودى شايل على قلبه سنين .. ومكنزهم فى البيت كراتين كراتين

ومش همه القبض امتى وفين .. ده راجل ديفولبر مفيش منه اتنين